New Delhi: Friday din te Calcutta High Court para 4 jun Bengal politicians pithor te tui(2) jun Chief Minister Mamata Banerjee’s Trinamool Congress laga ministers, kaun khan ke Narada bribery case te CBI para thurikena thakishe, tai khan logot West Bengal te lockdown jai thaka nemite bail thishe koishe. High Court para personal bond 2 lakh oper te etu leaders khan para media logot etu case nemite interviews korobo aro investigation samai kotha maniboli nemite interim bail thishe. Thurikena thaka 4 jun ministers Subrata Mukherjee aro Firhad Hakim, Trinamool Congress MLA Madan Mitra aro former mayor Sovan Chatterjee toh itya High Court’s order hesab te house arrest te ase. Jowa hafta Kolkata te etu 4 jun politicians logot tai khan laga nejor ghor para thurishe. Tai khan ke thura nemite besi tangor protests thakishe aro Mamata Banerjee para loikena etu case nemite CBI’s Kolkata office bahar te camping korikena ase. April-May elections samai Ms Banerjee para Prime Minister Narendra Modi oper te election larai te kamyaab powa beche, Trinamool para leaders khan thura samai hotishe koishe. Party para aro hotishe ke, keli former leaders Suvendu Adhikari & Mukul Roy, itya BJP te thaka khan logot toh naa thura nemite sawal korishe. Narada case toh 2014 saal te journalist ek jun para businessman neshina hoikena Bengal toh invest koriboli thakishe. Tai para 7 jun Trinamool MPs, 4 jun ministers, 1 MLA aro police officer 1 jun logot poisa nemite aro etu kotha toh sob tape record korishe. Etu tapes toh state te 2016 assembly elections thakiboli samai osor te janai thishe koishe.
Narada Case te Top Trinamool Leaders ke bail thishe
