Narendra Modi tho thik time deh leader ase: Chandrababu Naidu

June 7, 2024: Telugu Desam Party (TDP) chief Chandrababu Naidu para June 7 deh Narendra Modi tho, time thik deh leader ase kui shae India karne. BJP-led National Democratic Alliance (NDA) meet deh kotha kura time deh, Naidu para Modi keh praise kuri shae, campaigning time deh taila efforts kan karne. Etu meet tho Old Parliament laka Central hall deh taki shae. “Honorable MPS, first deh, mui apni kan sob keh congratulate kuri bo mun ase. Mukan ekdum bhal majority jiti shae. Mui election campaign tho diki shae. Teen mohina karne, honorable PM kita b rest la unai. Din aro rati deh, tai campaign kuri shae eki josh lokot deh. Tai eki spirit lokot deh shuru kuri shae aro kotom kuri shae,” Naidu para kui shae. Tai para aro NDA kan teentha public meetings aro ekta dangor rally lui shae kui shae Andhra Pradesh deh. Newly elect hua MPs laka Bharatiya Janata Party-led National Democratic alliance meet tho New Delhi jaka deh lui shae, Friday din deh. Etu meet tho Narendra Modi keh taikan laka leader bana bo karne lu ase. Telugu Desam Party surpemo N Chandrababu Naidu para sob party Mps keh NDA laka meeting tho attend kuri bole direct kuri shae