Dehradun, 31 January : Maharana Pratap Sports College te nija nija notun banai thaka shooting range gun laga awaj para goonjise, karon desh laga top shooters khan intense action te lagise 38th National Games te.
Shooting te latest time te onek talented players khan ahi ase — Paris Olympics te desh laga five Olympics medals te para tini ta itu sport te ahise.
Talent pool dangor hoijase, kintu competition bhi tai tei intense ase. Especially women’s 10m air rifle te, level etu dangor ase ki shooters khan ekjon next jon ke limit te push kori ase. Paris Olympics jabo karone contest etu etiya o asan nohoi, nohoile bhi quota jiti thaka Tilottama Sen aru Mehuli Ghosh Olympic selection trial te race hari dise.
Tilottama aru Mehuli para alag, Asian Games medallist Ramita Jindal etu opportunity utilize kori Paris jabo pari dise. Tai laga debut Olympics te, tai qualification te backfight kori final te enter kori loise. Tai last te seventh position te finish kuri dise.
Thursday te, women’s air rifle final te, tai phirse almost eliminate hobole thaka situation te ahise, 14 shots pichete. Kintu tai nijor performance uthai loikena third position te finish kuri dise, juntu tai qualification te top kori thaka pichete ahi se.
Kintu jetiya Olympians, World Cup aru World Championships laga medallists logote competition kuribo lage, halka bhi bhul hoile nicha pori jabole pare.
Thursday te, Narmada Nithin Raju tai laga best form te thakise. Tai laga shots onek precise aru consistent thakise, jun karone tai top te finish kori dise. Second series para lead pabi loikena, tai laga shots higher 10s te thakise, jun tu tai ke advantage di dise. Tai laga final score 254.4 hoise — juntu world record para sirf 0.1 kom ase. Arya Rajesh Borse, Maharashtra para, tai bhi strong performance di, silver medal jiti dise (252.5).
Ramita, Narmada aru baki air rifle shooters khan ke nijor level test kori thakibole lagibo, karon tai khan packed calendar te ahise. Itu season National Championships para shuru hoi loise, aru next month te World Cup selection trials ase. Sob para dangor event November te Cairo te hobo — World Championship.
Paris Olympians Anish Bhanwala aru Vijayveer Sidhu bhi rapid fire pistol final te podium te uthise. Anish 31 hits mari gold jiti dise, aru Sidhu 26 hits mari bronze loise. Gurpreet Singh, SSCB para, silver medal jiti dise (28).
Add Comment