Mumbai, February 19 : Veteran actor Naseeruddin Shah para Hindi cinema para disappoint huwa tu jataikina koisey ki hindi cinema tu aro behtar hobole laga akha thakisey judi film khan ke poisa kamabole laga bhabna nathakikina banaisey koiley.
Naseeruddin para koisey ki Hindi filmmaker khan juwa 100 saal para ekey film banaikina ahi asey.
Tai para enaka koisey, “ Ami tu bisi monduk asey ki amikhan para Hindi Cinema tu 100 years purana asey koikina garv korey hoilebi amikhan tu ekey film banaikina ahi asey. Ami tu etu film khan olop bi khusi napai.”
Naseeruddin para enaka bi koisey ki alag alag desh te thaka Indian khan Hindi film sabole jai kilemaney etu tu taikhan laga ghor logotey connect hoikina asey. Hoilebi joldi hi sob manu alchi hoijabo.
Tai para enaka koisey, “Hindustani khana ke sob jag ate poson korey kilemaney etu te kiba ekta asey. Hindi film khan te ki asey? Hoi, etu film khan ke sob jag ate sai…Taikhan para enaka koi, “eman alag, eman Indian, eman colourful.’ Joldi hi taikhan tu etu khan para amuni hoijabo kilemaney tatey eku bi substance nai.”
Naseeruddin para enaka maney ki samaj laga asliyat dikhabole toh serious film bana manu khan laga responsibility asey. Aro Hindi Cinema nimitey hope tu titya hey asey judi amikhan para film khan ke poisa kama laga jariya nisna sabole bon kuridibo. Hoilebi ami laga hisap te etya tu bisi diri hoijaisey. Etya tu eku upai nathaka hoijaisey kilemaney hazar opor manu para sa film tu produce hoikina jai thakibo aro manu khan para etu film khan ke sai thakibo.
Add Comment