September 07, 2025, 06:20 PM: Itu “Choose Health, Not Drugs – Nasha Mukt Bharat is Our Duty” theme under tey, ekta awareness programme organize kurishey, itu Kudazo Swuro, EAC Shamator laga initiative logotey, itu Village Council, Church, Youth aru Students community logotey collaborate kuri kena, Y. Anner Village tey, 6th September, 2025 tey.
Itu programme laga part thaki kena, ekta volleyball competition aru ekta rally race conduct kuria laga thakishey, sportsmanship encourage kuriboley aru ekta healthy lifestyle promote kuriboley karney, drug abuse laga alternative hisap kuri kena. Snitary pad khan bhi distribute kurishey, menstrual hygiene promote kuriboley, maiki khan aru adolescent chukri khan bhitor tey.
Itu jama kuria manu khan ke address kuri kena, EAC Kudazo Swuro para education aru skill development laga importance highlight kurishey, ensure kuri kena ki, itu youth toh hoiley constructive activity khan tey thakiboley algey koi kena aru itu drug laga jhamela laga bachi kena thakiboley lagey koi kena koishey. Tai para Bosti laga Council Chairman aru member khan ke bhi bhal para jani thakiboley laga koishey, women-centric welfare scheme khan opor tey, itu Pradhan Mantri Matru Vandana Yojana (PMMVY) khan nishina laga, kuntu toh hoiley institutional delivery promote kurey aru pregnant maiki khan ke support kurey.
Add Comment