Agencies, 21 August: Olympic bronze medallist Sakshi Malik para Friday din tai toh ahibole laga national camp opor te hesha lobole nohoile nalobole opor te fesla kuribole napari koise. Tai hisha lobole nemide toh tusara maike wrestlers para fesla lowa nesana he lobole janaishe.
Sakshi para IANS te tai toh competition nathakikena camp te join howa toh thek mesha meshi nesana ase koise. Tai para be besi maike khan camp te join nakuribole mana korise koise. Etu nemide tai toh training te ke koribo aro kon logode train koribo koise.
Tai para be national camp suru hobole nemide dost din bacha kena ase etu para tai toh kon ahai ase aro kon aha nai rokhi thakikena sabo koise.
Ekta senior Wrestling Federation of India (WFI) official koise, tai khan kon ke be camp te skip kuribole nadibo ashol karan nathakikena.
Tai aro koise, federation chief (Brij Bhushan Sharan Singh) para wrestlers nemide besi kaam toh korise. Tai para wrestler laga dukh honishe. Sob logode kotha kora bechide camp toh rokhai rakhibole fesla korise. Hoilebe judi wrestler khan bosses nesana act kora suru korise koile kaam toh kenaka jolibo.
Etu agae te Vinesh Phogat toh national camp para olaija thakise. Tai toh coronavirus opor te bhoi hoikena ola thakise.
IANS ke Vinesh koise, tai para federation ke nejor ekala train kuribole request korise aro camp para free hobo. Sushil Kumar be nejor laga centre- Chhatrasal stadium, national capital te train koribo.
Total 26 wrestlers eight weight categories te- five freestyle te aro three Greco Roman te toh camp te hisha lowa thakibo.
Lucknow te women’s camp toh 15 wrestlers logode lobole ase. Men’s camp be Senepat te lobole ase.
SAI protocols hisaab te, athletes, coaches aro support staff kon camp te join ase etu khan aha time te mandatory COVID-19 test lobo aro tai khan training toh 14-din quarantine bechide suru koribo.
Add Comment