December 19, 2023 : National Consumer Rights Day – infrastructure toh hoiley, Consumer Disputes Redressal Commissions tey lake kuri asey, Nagaland tey.
Itu nation para National Consumer Rights Day observe kuri thaka homoi tey, sob 24th December tey, itu Nagaland Voluntary Consumers’ Organisation (NVCO) toh hoiley, itu point kuriboley icha asey ki, tatey toh hoiley eku bhi infrastructure thaka-nai State Consumer Disputes Redressal Commission(State Commission) nimitey, itu jawa bishi saal para. Itu State Consumer toh hoiley case khan conduct kuri kena ahishey, Circuit House tey para, Kohima laga aru itya toh, bishi bhak Dimapur laga District Court tey kuri asey. Kilay maney tatey toh eku jaga thaka nai, itu Commission para case file/ office file khan toh ghor para he ani thakey, utu jaga khan tey, kotey case khan toh hoiley conduct kuriboley asey.
Itu District Commission khan toh independent nahoi hoilebi itu District Principal/ Session Judge toh duita charge dhuri kena thakey aru kunba homoi khan tey consumer cases khan conduct kuri thakey aru itu notun district khan toh set up kuriboley aru-bhi baki asey consumer disputes redressal commission toh. NVCO laga President – Kezhokhoto Savi kun toh hoiley Advocate asey, tai para koishey ki, itu notun Act kuntu toh, Consumer Protection Act, 2019 asey, itu para toh aru-bhi facility khan add kurishey, itu consumers khan ke, especially itu aggrieved consumers khan ke, lectronic filing, e-commerce, mediation cell khan nishina, kuntu toh attach kuriboley asey, sob consumer disputes redressal commission ke, etc, kotey itu state government toh hoiley, initiative loboley baki asey, itu set up kuriboley, itu koi kena thaka facility khan tey. Itu notun act toh hoiley Central Consumer Protection Authority bhi create kurishey. Aru itu opor tey, awareness toh hoiley itya bhi lack kuri asey, itu consumers khan bhitor tey, Nagaland tey.
Itu “National Consumer Rights Day” toh December 24th 2023, India tey observe kuria laga significance toh hoiley, December 24, 1986 commemorate kuriboley karney asey, kitya itu President of India para itu Consumer Protection Act, 1986 toh approve kuria laga. Itu Act toh hoiley ekta historic milestone consider kurishey, itu country tey. Hudai saal itu Nagaland Voluntary Consumers’ Organisation(NVCO) para ekta awareness programmes khan conduct kurishey, ekta hapta lamba observation tey, itu din laga.
NVCO President Kezhokhoto Savi, kun toh hoiley Advocate asey, tai para koishey ki, itu duniya tey manu jonom hoa saath saath, tai khan toh hoiley doodh, kapra, tel, sabun, pani aru bishi saman khan nishina consume kuria shuru hoi jai, aru itu need khan toh hoiley ekta para ekta bari jai thakey, tai khan laga jeevan tey, pura zindagi tey.
Add Comment