February 28, 2024 : Immunization on National Immunization Day (NID, Pulse Polio) nimitey District Task Force aru Measles Rubella (MR) elimination programme toh hoiley Dimapur laga DC laga Conference Hall tey para loishey, 27th February, 2024.
District Immunization Officer – Rebecca para highlight kurishey ki, eku Wild Polio virus toh hoiley itya tak detect kuria nai, India tey, 2011 pichetey. Tai para koishey ki, baro- jon bhitor tey teen- jon, Nagaland tey toh hoiley AFP surveillance standards (NPAFP rate <2) achieve kuria nai aru NID activity khan toh aru-bhi follow kuriboley baki asey, booth activity para, 3rd March 2024 para, maximum bacha khan ke cover kuriboley asey, IEC aru mobilization para.
Tai para itu bhi note kurishey ki, ghor-ghor jawa laga activity toh hoiley kuriboley 4th para 5th March 2024 tak, miss hoi jawa bacha khan ke vaccinate kuriboley aru ensure kuriboley ki, kunbhi bacha khan bi vaccine namari kena pichey nacharibo. Itu programme tey, Dimapur laga Deputy Commissioner – Tinojongshi Chang para chair kuri kena, itu sob department khan ke urge kurishey, tai khan laga support diboley karney, measles rubella toh khotom kuriboley karney. Tai para tatey attendee khan ke matishey, itu manu khan ke educate kuriboley, aru awareness banaboley, aru husiyar hoboley koishey.
Add Comment