Headlines

National Nutrition Mission Longleng te manaise

September 17, 2018

LONGLENG, SEPTEMBER 17 : Rashtriya Poshan Maah (National Nutrition Mission) toh Longleng Block nemite EBRC Longleng te 17th September 2018 te manaise. Aro etu din te Dr. Wannau Phom MO, District Hospital Longleng laga toh Resource Person nemite ahe kena thakise koise.

Etu din te etu Dr. Wannau Phom pora ped te bacha thaka aro bacha kan Nutrition kan (khaa-lua) thik nathaka pora bemar kan kissim-kissim ulaidiya laga kotha janaide thakise koise. Tai bi ped te bacha thaka amma, breast & complementary feeding, Anaemia, Hypertension, halka pora junum kura bacha aro physical, mental aro behavior kan bacha laga Adolescent time te botli huijua aro etu time te (adolescent time te) bhat thik pora khai kena thakibole laga bhal kotha janaide thakise koise.

Tai bi ASHAs & Angawadi nemite kam kura kan ke thik pora tai kan Community kan logot saidebole kurikena kam julabole kuribi koi kena janaise. Aro tai bi First Aid, Vaccines aro MR Vaccination kan bacha nemite kotha kurise koise.

Etu din te Keynote kotha kurikena Y. Tauhong, CDPO Longleng porabi National Nutrition Mission laga bhal kotha janaide thakise. Aro etu toh Social Welfare aro Medical Department laga ekta Convergence Program ase koi kena janaise. Etu karne Angawadi Workers aro ASHAs kan ke neju-neju jaka te thik pora etu Nutrition aro Medical chis kan toh bacha aro ped te bacha thaka amma kan ke debole kuribi koi kena janaide.

Tai bi Angawadi Workers aro ASHAs kan laga asul aro ahke babuna (Primary Objective) toh etu Nutrition toh bacha kan aro ped te bacha thaka amma kan kinika bhal ase etu kan hisabte thik pora kam julai kena kuridebole laga ase aro saidebole laga ase. Kele etu porahi tai kan neju Community kan ke bhal hobo aro etu pora sob logot bhal kuridiya hobo koi kena. Aro tai bi etu National Nutrition Mission laga targeted groups, goals aro objectives kan nemite kotha kurise. Etu karne etu

Department kan pora etu Nutrition nemite ki-ki diya toh Angawadi Workers kan sob logot punjaidebole kuribi lagi koi kena janaide thakise.

Etu Programme te Angawadi Workers & Helpers aro ASHAs kan Longleng laga kan ahe kena thakise koise.