Imphal: Friday din Imphal laga Khuman Lampak stadium te khotam howa laga National School Games U-14 Boys Football Tournament te Host team Manipur khan champion loise.
Final match te, Manipur team khan pora Jharkhand ke 4-3 pora harai dise.
Semi final olap ake te, Manipur khan pora Uttar Pradesh ke 4-1 goals di kena harai dise aro Jharkhand khan pora West Bengal khan ke 5-1 poraharai dise.
Chitiya laga prizes aro trophies toh final match khotam howa sat dise.
Thursday Khuman Lampak sports complex te khiliya quarter final matches te, Manipur pora Bihar ke 1-0 pora harai dise aro Jharkhand pora Rajasthan ke 2-0 pora harai di kena ahise.
Ekta phale West Bengal poratai khan laga quarter final match te Madhya Pradesh khan ke 5-3 goals pora harai dise aro Utter Pradesh khan pora Jammu and Kashmir ke 8-1 pora harai dise.
Assam team khan pora IPSC ke 9-0 pora harai dile bhi semi-final te pora olai jaise.
Etu sal laga 65th National School Games te total 32 football teams khan khilise.
Etu tournament toh Imphal laga tenta jaga te Directorate of Youth Affairs and Sports pora organize kurise.
Add Comment