Headlines

National Seminar te Governor kotha kurise

November 23, 2018

Nagaland Governor, Shri PB Acharya pora India te alak-alak manu aro chis kan toh sob ekta nemite hi mon melekena aro puji kena akhete ahebole lagaa laga ekta ase (Unity in Diversity was India’s Peculiarity). Etu karne sob logot mon melekena akhete ahebi aro ekjun-ekjun ke bhal te hisab kurikena thakibi. Aro eneka huikena ami kan desh toh ekta bhal rasta te anedebole kuribi koi kena janaise. Tai etu kotha janaidiya toh 3 din nemite National Seminar 2018 mana ke etu Din suru kuridekena janaidiya laga ase. Etubi “India’s North East, A Celedration of (Indigenous) Cultures: A Phenomenological Approach” theme hisabte etu din mana time te. Aro etu din toh St. Joseph’s College, Jakhama te November 23rd 2018 te mana laga ase koise.Etu din te kotha kurikena Governor PB Acharya porabi North East Region toh ekta bhal jaka ase. Aro etu Region toh tusera desh kan logot kebi eke nesena akhete ahebole bara laga ekta ase. Etu karne neju laga bhal babuna te punjibole karne akhete dukh kuri kena kam kuri ahebole lagi koi kena janaise. Etu oporte tai bi North Easterners kan ke neju laga kotha aro Cultures kan thaka nemite khushi babole janaise. Aro etu pora neju laga bhal babuna aro gyan toh thik pora kam julai ahekena akhete anedebole kuribi. Etubi tai kan Northeastern India nemite koi kena janaise.Etu din te Welcome Address toh Principal, St Joseph’s College, Fr. Dr Sebastian Ousepparampil pora janaidese. Message toh Kohima Bishop Rev. Dr. James Thoppil.  Pora janaidese. Prof. Prasenjit Biswas, Department of Philosophy, NEHU, Shillong pora toh Key Note Address janaise. Etubi India’s North East, A Celebration of Cultures laga Topic hisabte. Aro etu National Seminar toh 24th November 2018 dak mani kena thakibole ase. Aro etu ke Resource Persons kan alak-alak Universities laga aro Professionals kan ami kan desh laga sob jaka pora ahe kena etu din te hisha kuri thakibole ase koise. Etu Din toh St Joseph’s College, Jakhama pora ulabole kurikena ula laga ase. Aro etu ke University Grants Commission kan pora motub kuri ase koise.