July 17, 2024: North Eastern Space Applications Centre (NESAC) para Nagaland Geographic Information System & Remote Sensing Centre (NGISRSC) logotey collaborate kuri kena, National Space Day celebration organise kurishey, 16th July, 2024 tey, SIRD Auditorium, Kohima, Nagaland tey, Special Guest -Principal Secretary & Development Commissioner R. Ramakrishnan, IAS logotey.
Itu inaugural programme tey kotha kuri kena, Principal Secretary & Development Commissioner, R. Ramakrishnan, IAS para itu National Space Day celebrate kuria laga importance highlight kurishey aru itu country laga sob para dangor achievement, space technology tey acknowledge kurishey, Chandrayaan-3 Vikram lander toh successful para land kuria lag aitu lunar south polar region tey, August 23, 2023 tey, kuntu nimitey India ke space explore kuria nation, itu duinya laga elite group tey dhalidishey.
Dr. D. Chutia, Head GID, NESAC, Department of Science, Umiam Meghalaya para itu programme laga khata overview dishey aru itu National Space Day celebrate kuria laga importance highlight kurishey.
Shuru shuru tey Project Director, NGISRSC Planning aru Transformation Department Er. M Kithan, para welcome address dishey, aru Senior analyst, NGISRSC Dr. C. Furkumzuk para vote of thanks janishey.
Add Comment