Nyon, 23 November : Reigning Nations League champion Spain Netherlands logot quarterfinals te khelibo, aru former tournament winner France Croatia logot face kuribo, Friday rati Nyon te knockout stage laga draw kurise.
Germany Italy logot match kuribo, aru Portugal, junu inaugural Nations League edition laga winner ase, Denmark logot quarterfinals te khelibo.
Quarterfinals home aru away te doita legs te March te khelibo, hoilebi semifinals single leg hobo aru June te rakhibo. Third-place playoff aru final itu teene din bitor te hobo.
European champion Spain, Portugal, aru Germany, France logot milaikena, unman laga group top kuri aru ekta bi khel na haribole nimite seeded teams pot te thaikise.
Spain aru Netherlands November 2020 te ekta friendly match te last khelise, hoilebi unman laga last competitive khel 2014 World Cup te hobo te, Dutch unman ke 5-1 pora harai dishey. Itu match laga winner semifinals te Croatia na toh France logot khelibo. France aru Croatia Nations League te ahibor te 4 bar khelise.
Portugal second title jitibole try kuribo aru unman Cristiano Ronaldo uporte bharosa ase, junu knockout stage suru hobo te 40 years hobo. Ronaldo League A laga highest goal-scorer ase, 5 goals logot. Sweden laga Viktor Gyokeres (League C, 9 goals), Norway laga Erling Haaland (League B, 7 goals), aru Romania laga Razvan Marin (League C, 6 goals) hobo te Ronaldo pora besi goals score kurise itu 2024-25 tournament te.
Previous Nations League edition te, group laga top team khan knockout stage karne qualify kuri, direct semifinals te punchai thakise.
Add Comment