National

Naveen Patnaik Koishe BJD Toh Mahagathbandhan Te Hissa Nolubo

January 10, 2019

NEW DELHI: Odisha Chief Minister Naveen Patnaik koishe Biju Janata Dal (BJD) toh Mahagathbandhan  te hissa nolubo. Etu kotha toh Odisha CM para Grand Alliance kuribo na nai etu decide kuribole olop samay lagay kuwa pichete ahishe.

Biju Janata Dal President para news agency ANI ke koishe party toh BJP aro Congres para equidistant thakibole continue kuribo koishe.

Tuesday te Mr Patnaik toh Delhi te thakishe. Mr Patnaik toh Delhi te tai laga party para farmers protest kora te participate kurishe. Tai ke Grand Alliance te join kuribo na nai huda samay te Mr Patnaik koishe Mahagathbandhan  nimite toh ami khan bhabi bole olop samay lage.”

Etu alliances banabole laga kotha toh 2019 laga crucial polls agote alag alag parties logote para ahishe.

Telangana Chief Minister K Chandrashekar Rao toh non-BJP aro non-Congress federal front bana bole laga campaign suru hoishe. Aro Telangana CM toh Naveen Patnaik aro Bengal CM Mamata Banerjee ke lok kurishe.

Duita Chief Ministers bhi federal front te hissa lubo na nai etu kotha te eku commitment diya nai. Mr Patnaik para BJP nohoi le bhi Congress, kontu sob para dangor political threat ase. Etu kotha te Mr Patnaik eku jawab dibole mana kurishe.

NDA ke presidential election te support kora pichete, BJD toh vice-presidential election te opposition camp te switch kurishe. Hoile bhi Venkaiah Naidu jeeta te BJD tai khan laga scale dishe. Odisha Congress para BJD lawmakers khan cross-vote kuribole laga suspicion thaka express kurishe.

August te Rajya Sabha deputy chairman laga election te Mr Patnaik laga party NDA candidate Harivansh Narayan Singh ke support kuirshe. Etu toh Prime Minister Narendra Modi para Chief Minister ked ail kora pichete hoishe. Tai laga party laga atta votes para government ke jeeti bole modot kurishe. Nohoi le toh etu election toh ekdam close fight hubo thakishe. Mahagathbandhan toh non-BJP parties khan para propose kurishe. Etu propose te Congress bhi ase. Congress toh 2019 Lok Sabha elections te Narendra Modi para chola government toh harabole aim kuri ase.