Mumbai, July 5 2025: Ekta dangor shock laga incident te, Navi Mumbai para ekta 30 saal laga manu opor police allegation choli ase ki tai nijor wife aru mother in law kapara na bokhi kena “black magic” ritual koribole force korise, tai koi ase etu tai laga brother in law ke shadi koribole karone hoise. Police janai dise ki etu laga photo/video bhi circulate korise.
July 3 tarik te Vashi Police Station te case register kora hoise aru investigation suru hoise. Kintu aji ta kunbi arrest hoa nai. Etu April para July majote, accused laga house te Navi Mumbai te hoise.
Accused to Uttar Pradesh laga Devria para ahise.
April 15 tarik te, accused to nijor biwi aru mother in law kapara na lagai kena ritual perform koribole force korise, juntu tai laga brother in law laga shadi kuribole karone ase koi kena dikhai se, police official janai dise.
“Tai (accused) nijor wife ke force korise ki naked photo photo lobo lage aru pichete Ajmer jabole lage etu photo logot,” official janai dise.
Complainant pichete, accused to etu nude photo khan complainant laga baba aru bhai laga WhatsApp account te send korise, FIR te likha ase.
Police accused upor Bharatiya Nyay Sanhita laga section 351(2) (criminal intimidation), 352 (intentional insult with intent to provoke breach of peace), Information Technology Act laga relevant section aru Maharashtra Prevention and Eradication of Human Sacrifice and other Inhuman, Evil and Aghori Practices and Black Magic Act, 2013 laga under te case register korise.
Add Comment