Navodaya Vidyalaya Samiti Shillong Region, national boxing championship dey shine kurishey 

Haryana, 11 September : NVS (Navodaya Vidyalaya Samiti) Shillong Region para National Boxing Championship-2024 dey Runner-up position luina ekta significant jeet luishey kuntu recently JNV Sagga, Karnal Haryana dey thakishey. Itu competition dey India laga 55 top khiladi khan feature kurishey, SGFI (School Games Federation of India) dey bishi regions ke represent kurina. Performance hisab dey, 

Shillong Region para total 12 athletes ke SGFI Boxing Meet 2024 dey NVS ke represent kuriboley select kurishey, kuntu Delhi dey November laga fourth haafta homoi luwoley asey.

Itu athletes maju dey, JNV Lakhimpur Assam para Nang Pinseng, ekta standout performer thakishey. Under-19 Girls’ category dey compete kurina, weight class 66-69 kg, JNV Lakhimpur, Assam laga ekta student, Nang Pinseng Manchey para ekta gold medal luishey. Tai para exceptional skill aro determination dikhaishey aro quarter finals, semifinals aro finals dey Hyderabad, Pune aro Jaipur Region para tai laga competitors ke haraishey. Under-14 Boys’ category dey silver medal toh Anshuman Morang, weight category 32-34kg aro Bhumidhar Pamey, weight  category 36-38kg para jitishey kun NVS 

Shillong Region ke represent kurishey.

Itu selected athletes para NVS Shillong Region ke SGFI Boxing Meet 2024 dey represent kuribo, kutey taikhan alag regions laga top-tier talents laga khilaf compete kuribo. Itu jawaan boxers laga continued jeet para national-level sports dey NVS Shillong Region laga strength aro competitiveness uthia highlight kuri asey.