Islamabad: October 10, 2020. Pakistani Court para Pakistan laga purana prime minister, Nawaz Sharif ke November 24 darik te Court te ahiboli order thishe, nohoile tai ke kolti kora manuh junai thibo. Olop din agae, tai laga ghor London para non-bailable arrest warrants lowa nai koikena khobor para koishe. Islamabad High Court (IHC) laga Registrar para Nawaz Sharif, ke Al-Azizia aro Avenfield graft cases toh lekina order toh issue korishe, Dawn News para janai thishe. October 7 darik te, Court para Dildar Ali Abro, the first secretary (consular affairs), Rao Abdul Hannan, consular attache;, Pakistan High Commission, London, aro Mohammad Mubashir Khan, director for Europe-I, khan laga statements toh recorded korishe. Tai khan para Court logot koishe ke, court order hesab te Sharif ke thuriboli non-bailable warrants toh sai ase koishe. Islamabad High Court para September 15 darik te service warrant deya toh effect kora nai koishe. Khobor para koishe ke, Nawaz Sharif toh ghor London te ase etu nemite October 7 darik te high court para newspapers te advertisements thikena matibo. Dawn aro Jang newspapers te advertisements ola toh Court para federal government logot poisa thiboli koishe. Etu beche government para court logot koishe ke, advertisement nemite 60,000 toh thikena ase. Court para Nawaz Sharif ke November 24 darik nohoile etu agae te ahiboli koishe, tai nahile kolti kam kora manuh ase junai thiboli ase. Tai laga saman khan nohoile passport thuriboli koishe. Nawaz Sharif toh London te jaa saal November moina para thaki ase. Court aro government para medical elaj koribo nemite tai ke ath(8) hafta thishe, hoilebi etu beche wabas kora nai. Tai laga lawyer para court logot tai bhal hoiase koikena khobor thishe. Etu samay, September 20 darik te tai para armed forces khan para politics te samil kori ase koishe. Etu kowa beche, Sharif logot pressure pai ase, tai para kam beya kora nemite ahiboli dhuk ase.
Add Comment