Raipur: Naxals para tin(3) din akhe Bijapur distric te police sub-inspector ke thurikena thaka toh morai-thishe, koikena Saturday din officials para khobor janaishe. Police sub-inspector, Murli Tati toh tai laga ghor Palnar te ahikena thaka samai, April 21 darik te Naxals khan para thurikena jaishe, etu khobor toh Superintendent of Police, Kamlochan Kashyap para koishe. Maoists khan para Murli laga mora body toh Bijapur district te Gangalur bosti osor te ropai thishe, etu samai, policeman ke morai deya toh “people’s court para fesla kora hesab te ase,” koikena khobor toh lekina thakishe. Etu moina akhe Chhattisgarh laga Sukma-Bijapur jaga te Naxal khan para hamla kora te komti hoilebi 22 security personnel khan ke moraikena ase aro etu samai 30 security personnel oper khan hamal te jokom paikena ase koishe.
Naxals para police 1 jun thura beche moraishe
Add Comment