California, 5 April : Jalen Green aru Alperen Sengun milai kene 65 point score korise aru Houston Rockets Friday din Oklahoma City Thunder laga 11-game winning streak rukai dise ekta dangor 125-111 jeet loi.
Western Conference finals laga possible preview jona, Rockets ekta jor laga all-round performance dikhai kene top-seeded Thunder laga postseason preparation ke jolt dise.
Green 11-of-24 shooting te 34 point banai dise, aru Turkish big man Sengun 31 point loi kene second-placed Houston laga record 51-27 te ulaise.
Oklahoma City game laga shuru te lead loi thakise, kintu Houston physical game khelai kene Thunder ke disturb kori lead loi luisey aru second quarter khotom hote hote 23-point advantage loi luisey.
Houston third quarter te 2 min 53 sec baki thaka time te bhi 20-point lead maintain kori thakisey, kintu Thunder ekta strong rally loi kene fourth quarter surute point gap single digit te loi dise.
Kintu Houston thanda matha te phiribi regroup kori kene Oklahoma City laga comeback laga sab chance khotom kori dise.
Houston laga coach Ime Udoka, Sengun aru Green laga aggressive scoring style ke bisi tarif korise.
Jalen Williams OKC laga highest scorer thakise 33 point loi kene, aru Shai Gilgeous-Alexander 22 point add korise. Chet Holmgren 20 point score korise, juntu te 18 point tai laga six three-pointers pora ahise.
Add Comment