Indianapolis, 28 May : Boston Celtics para Monday dey Indiana Pacers laha khilaf 105-102 jeet luina Eastern Conference championship jitishey, itu series 4-0 luishey aro NBA Finals dey ekta spot book kurishey.
Celtics toh Western Conference Finals laga winners ke samna kuribo, kutey Dallas Mavericks para Minnesota Timberwolves laya khilaf ekta 3-0 lead asey Tuesday laga game four agey dey.
Indianapolis dey Celtics laga jeet toh taikhan laga seventh straight thakishey post-season dey huilewi taikhan Pacers team laga khilaf deri chari, star guard Tyrese Haliburton nathakina, kun jokhum huina asey.
Jaylen Brown aro ekbar faisla kurishey.
Tai ekta step-through hit kurishey, fourth dey 2:40 pachina thakia logot 102-102 hit kuriboley, kuntu piche rim dey Andrew Nembhard block kuriboley uthishey.
45 seconds pachina thakia homoi Brown para Derrick White ke corner dey paishey kun para itu three-point jumper sink kurishey kuntu para piche dey khel luishe — aro itu series.
Nembhard, kun 24 points, 10 assists aro six rebounds thakishey Pacers karney, 33 seconds pachia thakiba ekta three-pointer miss kurishey kuntu para itu khel tie kuriboley thakishey.
Brown para Boston laga scoring 29 points logot lead kurishey aro Jayson Tatum logot 26 points, 13 rebounds aro eight assists thakishey.
Celtics toh tui saal agey dey Golden State Warriors haarina Finals dey wapis ahi asey kitia taikhan 2008 para luina agey NBA title karney bisari asey.
Add Comment