California, 15 January : Sacramento Kings 112, New York Knicks 101
DeMar DeRozan 27 point score korise aru Zach LaVine 25 point add korise, juntu laga Sacramento Kings, New York Knicks ke Wednesday rati ghorte control kori season laga best third straight win uthaisey.
Precious Achiuwa 20 point aru season laga best 14 rebound record korise, aru Russell Westbrook 19 point aru 11 assist add korise Kings laga. Maxime Raynaud bhi Sacramento laga hisab te 10 point contribute korise.
New York laga star guard Jalen Brunson game shuru huwa pichete 4-plus minute pitor te right ankle injure hoise aru ghurinq game te ahise. Bahar juwa agey tai 4 point score korise aru tai laga 18 straight 20-point game laga streak itu din te bhangise.
Mikal Bridges 19 point score korise aru OG Anunoby 15 point add korise, kintu New York itu laga pichla 8 game te 6th bar loss uthaisey. Itu match tu Knicks coach Mike Brown laga Sacramento te first visit ase, December 2024 te Kings coach laga position pora fire huwa pichete.
Cavaliers 133, 76ers 107
Donovan Mitchell second half te 27 point score kori total 35 point uthaisey aru 9 assist di Cleveland laga Philadelphia te dangor win te lead korise.
Cleveland laga Darius Garland 20 point aru 7 assist add korise, kintu third quarter laga last te foot injury nohoi bahar ulabo lagise. Evan Mobley 17 point, 13 rebound, 6 assist aru 4 block record korise Cavaliers laga. Cleveland aru Friday din Philadelphia te khelibo.
Philadelphia laga Joel Embiid 20 point score korise aru Paul George 17 point uthaisey. 76ers laga starting guards Tyrese Maxey aru VJ Edgecombe duita mili keval 23 point score korise, 26 shot te 8 matro hit kori.
Nuggets 118, Mavericks 109
Jamal Murray 33 point score kori Denver ke host Dallas laga uporte win dilaisey.
Aaron Gordon 22 point add korise aru Peyton Watson 18 point uthaisey Nuggets laga, juntu laga team short-handed thaka pichete bhi three straight win uthaisey.
Dallas laga Naji Marshall 24 point score korise aru Brandon Williams 20 point add korise. Mavericks second half te Cooper Flagg ke miss korise, tai left ankle sprain huwa pichete.
Bulls 128, Jazz 126
Nikola Vucevic season laga highest 35 point score korise, juntu bhitor te last 4 second te go-ahead layup bhi thaka, aru Jalen Smith 12 point aru 10 rebound record kori Chicago ke visiting Utah laga uporte help korise.
Chicago Bulls Utah laga Brice Sensabaugh laga career-best 43 bench point ke bhi overcome korise. Keyonte George 25 point score korise, juntu bhitor te late regulation te tai laga personal 8-0 run thaka, juntu Jazz ke fourth quarter te 12-point deficit erase koribo help korise.
Tre Jones, Isaac Okoro laga offensive rebound pichete, right wing pora back foot te thaki Vucevic laga winning shot te pass disey.
Raptors 115, Pacers 101
Toronto Raptors Indiana Pacers ke 115-101 te haraisey.
Add Comment