California, 9 April : Oklahoma City Thunder Western Conference te No.1 seed secure kori dise, Los Angeles Clippers ke 128-110 te haraina Inglewood te. Chet Holmgren 30 point aru 14 rebound loise, aru Shai Gilgeous-Alexander 20 point aru 11 assist diya team ke lead kori dise. Etu win logot Thunder lagatar third season No.1 seed hasil korise, aru playoffs pura home-court advantage pai loise.
Isaiah Joe bench pora 21 point, aru Jalen Williams 18 point add kori dise. Clippers pora Kawhi Leonard 20 point, aru Kobe Sanders 17 point score kori dise, kintu team tu already play-in tournament te qualify korise.
Aru ekta game te, Phoenix SunsDallas Mavericks ke haraina Western Conference te 7th seed secure kori dise. Devin Booker 37 point aru 9 assist diya standout korise, aru Dillon Brooks 28 point diya last te game seal kori dise. Suns ety play-in round te Tuesday din home ground te khelibo.
John Poulakidas career-high 23 point score kori dise Mavericks pora, aru Marvin Bagley III 20 point add kori dise. Rookie Cooper Flagg 11 point, 13 rebound aru 6 assist diya Rookie of the Year race te strong case banai ase.
Eastern Conference te, Cleveland CavaliersAtlanta Hawks ke haraina important win loi dise. Donovan Mitchell 31 point, aru Evan Mobley 22 point aru 19 rebound diya dominate kori dise. Cavaliers etu East te top-four finish confirm kori ase.
Hawks pora Nickeil Alexander-Walker 25 point aru Jonathan Kuminga 24 point score kori dise, kintu team tu playoffs direct qualify koribo paribo na nai uncertain ase.
Add Comment