Oklahoma, 14 January : Shai Gilgeous-Alexander third quarter te 34 points pora 15 points score kori Oklahoma City ke Tuesday din San Antonio uporte 119-98 home win anibo help korise. Itu Thunder laga itu season te Spurs logot four matchup pora first win hoise.
Spurs ke itu season te first time 100 points niche rakha dise. Taikhan back-to-back games harise aru last 10 matches pora six loss ase, juntu Oklahoma City ke 13 din bhitor te tin baar harua pichete ahise. Thunder itu win loi kene nijor fourth consecutive win bhi earn korise.
Gilgeous-Alexander field pora 23 attempts te 11 shots score kori finish korise, logot five rebounds, five assists aru career-high-tying four blocks. Chet Holmgren 10 rebounds aru three blocks add korise, jitia Thunder total 11 blocks loi season-high tie korise. Jalen Williams 20 points score korise.
Spurs nimite Stephon Castle 20 points loi team lead korise, jitia Victor Wembanyama 17 points add korise.
Lakers 141, Hawks 116
LeBron James 31 points, 10 assists aru nine rebounds loi dominating performance dise. Luka Doncic 27 points aru 12 assists add korise aru Los Angeles visiting Atlanta uporte jiti kene three-game losing streak end korise.
Deandre Ayton Lakers nimite 17 points aru season-high 18 rebounds loi strong contribution dise. Lakers first half te 60.5% shooting korise aru pura game te 57.8% shoot korise. Halftime te Los Angeles 81-60 lead thakise, juntu itu season laga highest-scoring first half hoise.
Hawks nimite Nickeil Alexander-Walker 26 points score korise. CJ McCollum Friday din Washington Wizards pora trade hoi ahibo pichete Atlanta laga second game te 25 points add korise.
Heat 127, Suns 121
Bam Adebayo fourth quarter laga last time te lagatar 13 points score kori Miami Heat ke Phoenix uporte jita dise.
Norman Powell 27 points loi Adebayo ke support korise, jiman 48 seconds baki thaka time te game-winning 3-pointer bhi ase. Tai back injury nimite ekta game miss korise. Tyler Herro 23 points aru Jaime Jaquez Jr. bench pora 16 points aru team-high eight assists log kori dise.
Suns nimite Grayson Allen aru Dillon Brooks duijone 25-25 points score korise, kintu team laga three-game winning streak end hoi jai. Devin Booker 24 points, nine rebounds aru game-high nine assists add korise, jitia Mark Williams 18 points aru game-high 14 rebounds loi thakise.
Rockets 119, Bulls 113
Kevin Durant aru Alperen Sengun duijone double-double record korise, aru Jabari Smith Jr. late stage te tin ta jumpers score kori Houston ke visiting Chicago uporte tight win anibo help korise.
Add Comment