Chumoukedima, February 23, 2026: Dua din laga training thake she, Honey laga by product opor te, February 18 aro 19 laga din te. Taining toh Multi Utility Centre, Chumoukedima te thake she, Programme toh Nagaland Beekeeping and Honey Mission (NBHM) para organize kure she, trainers, Self Help Groups (SHGs) aro Village Development aro Value Chain Committees (VDVKs) khan karne.
Sentiwapang Aier, Chief Minister laga secretary, aro NBHM laga team leader, para programme toh inaugral kure she. Tai koi she ki, trainer khan ke eki logo te uthe be aro training te para kiman sekhe bole pare sekhe be koi she. Dua din laga programme te hands-on sessions thake she. First din te, trainers khan ke kena bee laga wax khan cholai kena, balms, food wraps, candles aro wax blocks khan bana bole she khai she. Aro second din te kha saman kina process kurea laga technique, saman khan kena food processing te cholai, honey wine kina banai, value chain development, packaging, labelling aro marketing strategies khan de khai she.
Add Comment