NBSE Class 9 Question Paper Leak Case: Student Involve Thak Khan Laga Parent Khan Para NBSE Ke Appeal Kurishey, Exam Khan Cancel Nakuriboley

December 21, 2025: NBSE Class 9 question paper leak case tey, involve thaka student khan laga ama-baba khan para media tey brief kurishey. Parent khan para NBSE ke tai khan laga bacha khan laga exam khan cancel nakuriboley appeal kurishey; tai khan aru-bhi examination dhaliboley request kuri asey. ‘Bacha khan toh hoiley paper leak issue karney traumatize hoi jai kena asey’ NBSE toh hoiley class 9 laga exam khan cancel kuri di kena asey, 14 student khan laga, eight Dimapur laga School khan para. 16 student khan ke dhuriboley parishey, leak hoi kena thaka paper khan bukhi kena thaka laga; itu paper leak hoa toh hoiley, Govt. High School, Burma Camp, Dmp para leak hoa laga thakishey. NBSE para exam centre withdraw kurishey, PM Shri Govt. High School, Burma Camp, Dimapur tey. Tatey galti kuria manu toh hoiley Mughashe Sema asey koishey, tai toh hoiley computer assistant asey utu school tey.