Nagaland

NBSE Para APAAR ID Laga Implementation Opor Tey Remind Kurishey

6 months ago

September 16, 2025, 05:40 PM: Nagaland Board of School Education (NBSE) para toh hoiley aru bhi inform kurishey ki, sob NBSE logotey affiliate thaka school khan ke janaishey ki, APAAR ID toh hoiley mandatory asey implement kuriboley, sob student khan nimitey, primary student identifier hisap tey.

School khan toh hoiley, itu di kena thaka ensure kuriboley lagibo.

  • Sob enrol thaka student ke valid APAAR ID assign kuriboley lagibo, itu official UDISE-enabled portal para.
  • Sob student khan laga data, academic record khan, transfer khan, assessment khan aru co-curriculum information sob toh hoiley itu APAAR ID tey map kuriboley lagibo.
  • Itu kaam tog hoiley final exam khotom nahoa agetey khotom kuriboley lagibo, 2025-2026 laga academic session nimitey.

Institution khan ke itu issue kuri kena thaka notification refer kuriboley koishey, 28th January, 2025 laga, judi kiba information aru detail khan lagi asey koiley, regarding timeline khan, aru support mechanism khan laga.

Judi kuriboley fail hoishey koiley, record process kuria aru examination registration nahoilebi alag academic administrative function khan bishi para diri hoi jabo.