April 25, 2025, 04:31 PM: Itu Nagaland Board of School Education para High School Leaving Certificate Examination aru Higher Secondary School Certificate Examination 2025 laga result announce kurishey, 25th April, 2025 tey.
Dimapur laga St. Paul Hr. Sec. School laga – Lungyihangle Nring para top kurishey, itu HSLC Examination tey, 98.67% tey. Itu HSLC Examination tey, 5,453 student khan government school khan para enrol kuria laga thakishey, itu Examination nimitey aru itu bhitor tey 48.41% student khan qualify kurishey. Private school khan para 15,976 student khan para enrol kuria laga thakishey, utu bhitor tey 87.64% student khan qualify kurishey, itu exam tey. Aru repeater 884 student khan bhitor tey 14.59 % khan qualify kurishey.
Itu HSSLC Examination tey Kohima laga GHSS, Jotsoma laga Vikhono Senotsu para 96.20%, Dimapur laga Ram Janaki Higher Secondary School laga Arti Kumari 94.60% paishey aru St. John Higher Secondary Residential School laga – Snigtha Mukherjee 93.40% para topped kurishey, Arts, Commerce aru Science Stream khan tey.
Itu HSSLC Examination tey 12,404 student khan, 1,027 student khan, aru 3,218 student khan enrol kuria laga thakishey, itu Arts, Commerce aru Science Stream tey, pass percentage toh 84.05%, 81.40%, aru 76.54% thaki kena, itu hisap tey.
Itu HSLC aru HSSLC Examination khan nimitey centre khan set up kuria toh hoiley 97 aru 68 thakishey, itu laga hisap tey.
Add Comment