NCA para itu 2nd Nagaland Cricket Association achievers night organize kurishey

September 23, 2024, 04:09 PM : Nagaland Cricket Association (NCA) para itu 2nd NCA achievers night organize kurishey, Town hall zone Naithu, Chumoukedima tey para, 20^th September, 2024 tey. Kvulo Lorin, Chairman NIDC & Director, Testo College para itu event tey kotha kuria homoi tey, tatey Special Guest buhi kena, state kurishey ki, ekta cricket ground bhi nathaka laga eneka time bhi thakishey itu state tey, hoilebi itya laga homoi tey toh teenta-teenta cricket ground thaki kena asey aru bishi practice pitch khan bhi aru bhi banaboley asey itu state tey. Tai para assert kurishey ki, itu toh hoiley bhal para dangor para bhabana kuria para, plan kuria para aru kaam kuria laga invest kuria para parishey, khali sportsperson khan para nahoi, hoilebi utu manu khan kun para foundation toh lay kurishey, cricket game nimitey, itu state tey, aru tai para Chief Minister – Nephieu Rio ke bhi thanks janaishey, kun toh hoiley itu NCA laga chief patron bhi asey. Itya laga cricket team toh hoiley khali national tey para mark khan he banawa nahoi, hoilebi bishi category khan tey bhi dominate kuri asey, aru maiki laga cricket ke bhi opportunity khan di kena, Lorin para koishey, Alag sport khan logotey compare kuriley Nagaland tey, Lorin para koishey, cricketer khan toh hoiley lead kuriboley lagey raasta toh, aru judi tai khan success kuriboley parishey koiley tai khan raasta banaboley paribo sob alag sports association khan nimitey, manu khan sports ke professional career hisap saboley karney. Individual aru team khan laga award khan present kurishey 2023-2024 laga tenure nimitey, under 15, under 16, under 19 aru under 23 laga player khan ke (chukra- chukri dui jon ke bhi). Itu programme laga shuru shuru tey Hyunilo Anilo Khing, Secretary NCA para opening remarks dishey, Tinaliu para tatey jama kuria manu khan ke enthral kuri dishey, ekta special gaanna gai kena. Itu program toh hoiley Dr. Nitin Agarwal, Member Cricket, Advisory Sub- Committee, NCA para host kurishey aru Benjamin Merry, Member Cricket Advisory Sub- Committee, NCA para gratitude laga kotha deliver kurishey.