NCB para Bharti Singh ke tawai case te thurishe

November 22, 2020. Ekta asorit kotha te, Saturday din Narcotics Control Bureau (NCB) para television comedian Bharti Singh ke thurishe. Tai logot  banned drug (marijuana) paishe aro kai thaka nemite. Tai laga aji pujur check korishe, koikena top officials khan para janai thishe. “ami khan Bharti Singh ke thurishe aro tai logot 86 gms marijuana paishe. Tai laga mota Harsh Limbachiya ke NCB para sawal koriase. Olop beche te khobor toh janai thibo,” NCB Zonal Director Sammer Wankhede para IANS logot khobor koishe. Sob melaikena 86.50 gms banned drug (Marijuana) toh commercial saman tai laga ghor te paishe aro tai jun para be kai koishe. NCB khan para tawai beka manuh ke Friday din te thura beche tai junk e be thurishe aro nam toh Bharti aro Harsh thakishe. Etu khobor paa beche NCB khan jaikena saman toh paishe. NCB office pongcha beche Bharti Singh para media logot koishe ke “sawal koribo nemite matishe”. 5 gonda neshina sawal kora beche Bharti ke thurikena rakish. Sunday din Bharti ke court osor te loikena jabo, hoilebi khobor toh tai ke osor para sawal koribo naa videoconference thakibo najani-kena ase.