DIMAPUR, OCTOBER 14 : NCC Combined Annual Training Camp (CATC- VI) 2018 bishi bhal pora October 12 Sainik School Punglwa te khotom kurishe .Etu camp toh October 3 pora shuru kurishe . Junior aro senior division pora 133 cadets khan etu camp te bhaagh loishe . NL (I) Sainik School Coy, NCC khan laga CATC toh annual programme ase Group Headquarter NCC, Kohima bithor te .Etu camp luwa time cadets khan ke alag alag hikaishe etu toh weapon training, parade drill, range firing, map reading, disaster management aro tent pitching thakishe .Tai khan ke hikaai diya pichede Inter Company Competitions thakishe etu camp te .Cadets khan bishi bhal pora bhaagh loishe X-country, volleyball, basketball, drill, tent pitching anro cultural programme khan te .Social cause nimete Punglwa village Swatchta Abhiyan loishe .Cadets khan ke demonstration khan dishe disaster management, security, medical first response aro fire fighting te Commandant Disaster Management, Akhu Kath and team leader Sub Inspector N Vikiho Awomi pora .Etu camp toh camp fire kurikena khotom kurishe .
November 19, 2024
World's First and Only Nagamese Newspaper
Add Comment