June 29, 2024: 1 Nagaland NCC Girls Battalion, Kohima para Pataki Christian College, Chumukedima deh Combined Annual Training Camps (CATCs) lui shae. Camp tho 15-26 Jun 2024 din deh lui shae. Alak alak Nagaland district para aha 520 cadets kan keh military subjects, weapons, physical training, sports aro cultural activities deh train kuri shae. Camp time deh, cadets kan alak alak contemporary subjects deh knowledge pai shae.
Camp laka concluding din deh, Maj Gen Gagan Deep, ADG NCC North-East Region para campsite tho visit kuri shae. ADG keh formally welcome kura piche deh, taike camp deh ki ki activities kuri shae, etu bhal para janai di shae. ADG tho cadets kan lokot deh interact kuri shae aro taikan keh time tho bhal para chula bole motivate kuri shae. Tai para 1 Naga Girls Battalion laka efforts kan tho applaud kuri shae aro ANOs aro GCI lokot deh kotha kan b kuri shae.
ADG, Pataki Christian College laka Principal, Dr Thepfuvilie Pieru keh ekta customary visit pay kuri shae aro taila felicitations extend kuri shae.
Add Comment