NCD Delegation Para NFR Official Khan Ke Lok Paishey, Maligaon Tey

March 16, 2025, 08:00 PM: Ekta Naga Council Dimapur (NCD) officials laga delegation khan para ekta meeting loishey, chief passenger transportation manager (CPTM) logotey, Maligaon Northeast Frontier Railways (NFR) headquarters tey, Guwahati tey, march 13, 2025 tey aru, passenger khan laga plight discuss kurishey aru ki ki tarika asey utu khan opor bhabana kurishey, itu issue khan address kuriboley, Dimapur Railway Station tey. NCD delegation kotey, tai khan laga president Etsungmomo Kikon, vice president (CB) GK Rengma, vigilance committee convener N. Joseph Lemtur aru general secretary LK Peter Anal, thakishey. NCD para koishey, tai khan NFR official ke lok kurishey, itu itya chuli thaka challenges khan face kuria laga ke jawab diboley karney, passenger khan para face kuri thaka laga uthi kena jaboley aru train para ulai kena jaboley laga homoi tey, Dimapur Railway Station tey. NCD official team para, tai khan laga formal representation khan para, CPTM apprise kurishey, itu alag alag kisim para dukh pai thaka laga, bishi passenger khan para, Dimapur Railway Station tey. NCD team para specific para duita key demand khan highlight kurishey- itu Nagaland Express service toh juldi para resume kuriboley, itu original route tey, Guwahati aru Dimapur majetey aru Jan Satabdi toh olop aru bhi diri rukhiboley laga. Itu council para point out kurishey ki, Nagaland Express toh  hoiley 2011 tey launch kuria laga thakishey, Dimapur aru Guwahati tey operate kuria laga thakishey, itu laga service toh 2020 tey discontinue kuri diya laga thakishey, tai laga route toh Dibrugarh tak extend kuri di kena.