New Delhi, 19 November: Congress aro Nationalist Congress Party (NCP) laga meeting aji lobole thaga toh kali (Wednesday) postpone korise. Etu toh hoile former prime minister Indira Gandhi’s 102nd birth anniversary nemide ase. Meeting toh hoile Maharashtra government formation nemide ase. Etu khobor toh hoile NCP leader Nawab Malik para janaideya laga ase.
Monday din Congress interim president Sonia Gandhi aro NCP chief Sharad Pawar meeting loise.
Mr Malik koise, “Poila tuita parties laga leaders majode meeting toh aji lobole fesla kora thakise. Hooilebe aji meeting toh kali afternoon nemide postpone kori deshe. Kelay koile Congress leader khan Indira Gandhi Ji’s birth anniversary nemide alak alak programmes deh thaga nemide”.
Monday din New Delhi MS Gandhi residence deh Mr Pawar lok korise. Etu toh hoile Maharashtra deh government formation nemide tension hoi thaga majode ase.
Mr Pawar koise, meeting time deh government bonabole opor deh eku kotha kora nami aro tai ke toh aji laki state laga political situation opor deh he kotha korishe.
Monday din Mr Pawar koise, NCP aro Congress laga part toh BJP aro Shiv Sena’s para ektum alak ase.
Maharashtra deh, jowah hapta President’s Rule pithor deh thalishe. Etu toh hoile state deh sob polities government bonabole napara nemide ase.
288-member assembly deh sobse besi 105 seats para jeta BJP para government bonabole paranai. Ally Shiv Sena para 56 seats toh jetihse.
Shiv Sena aro BJP toh hoile government bonabole thaga ase. Hoilebe government bonabo nemide Governor Bhagat Singh Koshyari para deya samai deh government bonabole para nai. Etu para state deh President’s Rule toh November 12 direk para lakai deshe.
Jowah moina assembly election deh NCP para 54 seats jetishe aro ally Congress para 44 jetishe.
Add Comment