NDA laga Manifesto dey Andhra Assembly Polls karney, mahila karney Rs 1,500 Pension

Amaravati, Andhra Pradesh, 30 April : Andhra Pradesh dey National Democratic Alliance para Tuesday dey taikhan laga joint manifesto release kuri dishey state dey ahi thakia polls karney kutey taikhan para eligible mahila ke hotai mahina Rs 1500 pension diwoley vaada kurishey. Telugu Desam Party, Jana Sena aro BJP milaina unemployed youth ke hotai mahina Rs 3000 financial assistance diwoley vaada kurishey. Itu manifesto release kurina, Janasena chief Pawana Kalyan kuishey ki itu manifesto toh TDP laga “super six” aro tai laga party laga “Shanmukha Vyuham” karney ekta amalgamation asey. TDP para agey dey “super six” announce kurishey kuntu para mahila ke muft bus laga sawari, hotai saal sob ghor dey three muft cooking gas cylinders aro hotai saal school jai thakia bacha ke Rs 15,000 diwoley vaada kurishey. Janasena, TDP aro BJP toh southern state dey NDA alliance partners asey. NDA partners mahu dey ekta seat sharing deal laga ekta part nishna, TDP ke 144 Assembly aro 17 Lok Sabha constituencies allocate kurishey kitia toh six Lok Sabha aro 10 Assembly seats para contest kuribo. Janasena toh tuita Lok Sabha aro 21 Assembly seats para contest kuribo. Andhra Pradesh dey 175-member Assembly aro 25 Lok Sabha seats karney elections toh May 13 dey thakibo aro votes kinti kuria toh June 4 dey thakibo.