SHILLONG, February 6: Meghalaya Chief Minister aro National People’s Party (NPP) president Conrad Sangma pora Tuesday te koise ki tai laga party khan diktar Citizenship (Amendment) Bill, 2016 laga mamla pora loikena NDA logote rista bhangaibole “bhal samoy” te fesla koribo.
“Moi khan p[ora bhal samoy te fesla lobo, juti (Central) government etu Bill toh Rajya Sabha te aage loi jaise koile,” konoba groupn pora amendment Bill laga mamla pora BJP logote rista bhangaibo karne demand koriya laga kotha ke sawal koriya ke Sangma pora jawab dikena koise.
Tribal-centric(jaat manu laga) NPP toh Manipur aro Arunachal Pradesh laga BJP-led government ke support koriye. Aro BJP pora NPP-led Meghalaya Democratic Alliance government ke support koriye.
Aalag North-East-based regional parties logote Sangma pora konoba political parties laga support mangi kena etu ke vote nakuribo karne koise juti etu Bill Rajya Sabha te anile.
“Aalag political parties khan logote moi khan NPP toh Citizenship (Amendment) Bill logote ekdum khilaf ase kile koile etu pora region laga pura demography(jakka laga manu khan) podli kori dibo,” Sangma pora koise.
BJP pora BSP aro SP laga support loikena etu Bill Rajya Sabha te dibole fesla koriya ke, Sangma pora koise, “Etu toh etiya tak fesla howa nai. Etu Bill ke moi khan pora khilaf koriya toh juli thakibo aro moi khan etu Bill pass nakoridibo karne kasam ase.”
Add Comment