Nagoya, September 30, 2026: India laga compund archers khan alak khel dekhai she pressure laga niche te, aro gold medals khan otha bole pare she Asian Games te. Tai khan mota, maiki aro mixed event laga title toh defend kure bole pare she Wednesday te.
Chikitha Taniparthi aro Sahil Jadhav toh etu gold medal jete kena tai khan laga Olympic quota punchi bole pare she India karne khele bole.
Mane India toh first country hoi she 2028 Olympics laga compound mixed team event karne qualify hobole. Tai jun toh Los Angeles Games te para he debut kure she.
Maiki khan laga team te Jyothi Surekha Vennam, Chikitha aro Prithika Pradeep thake she. Aro mota khan laga team te Kushal Dalal, Sahil Jadhav aro Ganesh Mani Ratnam Thirumuru thake she, kun para China laga Jiahao Liao, Jinyi Liu aro Jingyu Shi ke hara bole pare she finals te.
