November 22, 2023 : Itu 4th Bi-ennial Conference, Nagaland Directorate Ministerial Service Association (NDMSA) laga toh hoiley loishey, Kohima laga Capital Convention tey para, 22nd November 2023 tey, NSSB laga member – P. Bangjung Chang logotey, tatey guest speaker thaki kena.
NDMSA laga president – I. Lanusanen Jamir para tai laga speech tey mention kurishey ki, itu Association toh hoiley dui saal durr asey punchiboley, itu laga Golden milestone tey punchiboley aru itu credit toh pioneers khan ke jabo, kun laga sacrifice aru vision para itu Association ke mould kurishey. Judi bhi utu homoi tey kitya tai khan toh hoiley failure khan face kuri thaki lebi, tai para koishey ki, tai khan laga objective “Serve and Progress” ke dimak tey rakhi kena, tai khan toh hoiley tai khan laga matha khan toh eke- logotey rkabiboley lagey koi kena kaam kurishey aru strive kurishey, ekta aru-bhi bhal future nimitey.
Tai para aru bhi koishey ki, itu Association tey hazar para bhi bishi employee khan thaki kena itu toh hoiley itu State Government laga komor-laga- hardi nishi asey koi asey aru ta khan toh hoiley pride loboley lagey aru nijey laga asey koi kena embrace kuriboley lagey koishey, itu prestigious Service Cadre laga, aru yaad tey rakhiboley koishey ki, sob contribution khan dangor hobi chutu hobi itu khan sob matter kurey.
Add Comment