June 17, 2024 : NDPP para itu Eastern Nagaland Legislator laga Union (ENLU) laga statement ke welcome kurishey, itu Frontier Nagaland Territory (FNT) laga demand kuria laga issue laga opor tey, itu Eastern Nagaland People’s Organisation para.
ENLU laga statement ke appreciate kuri kena, factual aru honest thaka para, NDPP para ekta press release tey, declare kurishey, ki, tai khan toh hoiley itu stand ke endorse kuri asey, aru appeal kuri asey, itu union laga, clear para state kuri kena ki, itu ENPO toh hoiley politicise nakuriboley lagey koi kena, aru itu toh exploitation nimitey nachulaboley lagey koushey, political mileage nimitey.
Itu ruling party para sob section khan ke appeal kurishey, collective para kaam kuriboley itu Naga Society laga aru bhi dangor interest tey kaam kuriboley, eneka hoile hey, tai khan sob toh hoiley unity aru ekta hoi kena kaam kuriboley paribo, stress kuri kena ki, sob manu khan toh hoiley immature statement khan issue kuria para durr thakiboley koishey aru itu sensitive issue toh exploit kuriboley laga attempt kuria toh avoid kuriboley koishey, short term political gain khan karney.
Itu party para assure kurishey, ki itu state government para itu mature leadership – chief minister Neiphiu Rio laga under tey, tai khan toh hoiley sob possible effort khan banai thakishey, ensure kuriboley karney ki, itu issue toh hoiley resolve kuriboley para tak juldi tey, pura Naga family karney acceptable aru beneficial hoa laga hisap tey.
Add Comment