NDPP Para ULB Polls 2024 Dominate Kuri Asey

June 30, 2024 : Itu itya rule kuri thaka laga National Democratic Progressive Party (NDPP) para itu Nagaland civic body election khan loa tey dominate kuri asey, itu sob teenta municipal council khan aru ekta majority, town council khan, Sunday tey koishey. NDPP toh hoiley itu dominant force hisap tey ulaishey, pura puri 152 seat khan secure kuri kena, alag alag Municipal aru Town Council khan tey para, itu State Election Commission para data release kuria laga hisap tey. Itu BJP para bhi bhal para he perform kuri kena asey, 25 seat khan jeeti kena. Independent khan para ekta significant impact kurishey, 56 seat khan claim kuri kena. Alag political party khan toh pura puri 44 seat khan secure kurishey koishey. Itu election khan toh hoiley 10 district khan tey loishey, kotey, 1,84,126 elector khan, 81.6 percent constitute kuri kena, tai khan laga vote khan cast kurishey, candidate khan elect kuri kena, 214 ward khan tey, 24 urban local body khan nimitey. Itu result khan toh hoiley June 29 tey declare kurishey, Itu counting toh hoiley 8:00 AM fujur tey para shuru kurishey, 16 center khan tey aru astey para proceed kurishey, itu ballot paper khan chula para. Itu NDPP para majority para jeetishey, teenta municipal council khan tey- Kohima (14/19), Mokokchung (15/18) aru Dimapur (13/23). NDPP tohh oiley majority para Wokha, Bhandari, aru Phek tey jeetiboley para nai, kotey alag party khan NCP aru NPF para tatey laga ground tey laab paishey.