IMPHAL:Northeast India te sob para poila bar khatarnak (dangerous) pest paishe. Pest paa NE Indian state te Manipur bhi ase. Etu khatarnak pest toh tropical aro subtropical North America desh laga ase. Etu pest toh Indian Council of Agricultural Research (ICAR) Manipur Centre laga scientists khan para paishe.
Etu insect laga naam toh Fall Armyworm (Spodoptera frugiperda) ase. Etu insect para phalai kena thaka maize nisina crops khan te anda dee. ICAR, Manipur Centre laga maize researchers khan para janibole parishe. ICAR, Manipur Centre toh Imphal city para ekdam dur manu eman nathaka jaga te ase. Aro Chandel district laga Chandonpokpi bosti farn te ase.
ICAR Manipur centre laga scientist (Entomology) Dr Arati Ningombam koishe ami khan notun pest toh dhurishe aro jua moina para etu notun inscet ke sai (monitor) kuri ase. Aro etiya etu insect toh hossa bhi ase officially kubole pare.
Etu moina te etu notun pest laga kotha toh Nagaland, Mizoram aro Tripura para bhi khobor paishe.
India te May 2018 saal te sob para poila bar Karnataka te thaka janibole parishe. Aro etu saal January moina te Chhattisgarh te detect kuribole parishe. Etu notun pest toh ekdam taaz para phali ase.
Olop samay agay te America te 2015 tok thaishe. Saal 2017 te pest toh kunba African desh te phalishe. Aro etu pest nimite continent te bishi dikdar paishe.
Add Comment