Dumka, 15 December: Saturday deh Prime Minister Narendra Modi para Congress aro allies ke bondhnaam korise. Kelay koile tai khan para citizenship law opor deh gondogol ola nemide ase. PM Modi koise, desh laga parts deh chamela aro gondogol ola laga bechae toh sob opposition parties nemide ase.
PM para etu kotha toh Jharkhand deh election rally lowah time deh koise. Tai koise, Congress ke toh desh laga development nemide eku roadmap nai.
Tai koise, “Congress aro allies para citizenship Act opor deh joi lakai ase hoilebi Northeast laga manu khan violence ke reject korise. Congress laga action para Parliament deh sob fesla lowah toh thek howah saboot ase”.
Modi koise, opposition parties toh manu khan dekthari pai thaga opor deh monchinda korikena nejor laga jaga he bonai.
Centre aro state deh BJP-led governments laga kamiyaab list korikena tai koise, “Ami yati ahiya toh ami khan laga party para state deh development work kora laga account debole nemide ase.
