Agencies: Sikkim laga Rahul Gurung toh North Eastern States FIDE Rating Chess Championship jeetishe. Rahul Gurung toh etu title toh second time nimite jeeti ase.
Chess championship laga 19th edition te Gurung toh total eight aro half points banabole parishe. Etu chess tournament toh Sikkim Manipal Institute of Medical Sciences auditorium te hoishe.
Sikkim laga dusra player Rakesh Gurung toh championship te second hoishe aro Assam laga Soram Rahul Singh toh championship te third hoishe.
Etu choi din laga prestigious championship toh Sikkim Chess Association (SCA) para organize kurishe. Etu toh All India Chess Federation (AICF) laga support para kuribole parishe. Etu toh state te second time nimite hoishe. Etu championship toh January 29 para February 3 tok hoishe.
Tournament te northeastern states para total 250 players hissa loishe.
Tournament laga top 20 laga list te Sahil Dey toh 4th position hoishe, Santanu Borpatra Gohain 5th position, Rohit Gurung toh 6th position hoishe, Trailokya Nanda 7th position, Nitish Das 8th position, Iftikar Alom Mazumdar 9th position, Dupit Tabu 10th position, Silkam Sangma 11th position, Projit Phukon 12th position, Lalnungsanga 13th position, Manoj Das 14th position, Thendup Tamang 15th position, Hage Lasa Nado 16th position, Rajbeer Ahmed 17th position, Barbith M Sangma 18th position, Rijied Katrai 19th position aro Raluk Dui 20th position hoishe.
Rahul Gurung toh trophy logote cash prize Rs 30,000 bhi paishe. Aro organizers khan para dusra top 20 players khan ke medals, certificates aro cash prizes dishe. Aro alak alak umar laga categories te top teenta players ke bhi medals, certificate aro cash prize dishe. Tournament te total cash prize toh Rs 1.5 lakh thakishe. Etu toh All India Chess Federation para sponsor kurishe.
Add Comment