NEC para Tripura tea estate ke Rs 2.03 crore dishe

AGARTALA: North Eastern Council (NEC) para Tripura tea estate modernization koribo nemite Rs 2.03 crore sanctioned korishe. Etu poisa sanctioned kora toh hoile West Tripura district te Brahmakunda tea estate modernization nemite ase aro khobor toh Tripura Tea Development Corporation (TTDC) chairman Santosh Saha para junaishe. “NEC para Brahmakunda tea estate modernization nemite Rs 2.03 crore sanctioned korishe,” koikena Saha para khobor toh junaishe. Khobor hesab te Tripura government para Brahmakunda aro Durgabari tea estate modernization koribo nemite NEC logot proposals putaishe. Tripura government para aro Durgabari tea estate te tea museum bonaboli proposed korishe. Etu tinta(3) proposals te, NEC para Brahmakunda tea estate modernization nemite Rs 2.03 crore janaishe aro etu samai “NEC para dosura tuita(2) projects toh be sai-ase koishe. “ami khan itya NEC representatives logot khobor loi-ase aro dosura tuita(2) proposals nemite te be kam kori ase,” koikena TTDC chairman Santosh Saha para khobor toh janaishe.