New Delhi, 18 September : India laga star javelin thrower aru defending champion Neeraj Chopra, World Athletics Championships 2025 laga final te qualify korise, aji first attempt te 84.85 meter throw kori. Dusra Indian player Sachin Yadav bhi best throw 83.67 meter para 12 jon finalist majot jaga lobo.
Olympic champion aru Pakistan laga player Arshad Nadeem, juntu Paris Olympics 2024 te Neeraj ke haraithakise, final te spot loi lobo. Dusra dangor javelin player khan, jaisey Grenada laga Anderson Peters, Germany laga Julius Weber aru Kenya laga Julius Yego bhi qualify korise, juntu ekta blockbuster finale hobo.
Neeraj etiya try korise ki tini number male javelin thrower hobo history te juntu World Championships gold title defend korise, juntu taikhan 2023 edition te Budapest te jitithakise.
World Championships laga last edition Budapest te, Neeraj Chopra history create kori India laga first world champion hobo athletics te, 88.17 meter throw para. Arshad Nadeem silver loi thakise 87.82 meter throw para.
Add Comment