Zurich, Switzerland, 29 August : World aru Olympic javelin champion Neeraj Chopra kalir raat Zurich, Switzerland te Diamond League Final te second place secure kuri loise, juntu tai laga 26th consecutive top-two finish ase international javelin events te. Defending champion Chopra laga first throw 84.35 metres thakise, ta te second attempt te 84 metres modest throw kuri se. Ta piche te, tai tinibar consecutive foul kuri dise. Kintu last sixth attempt te Chopra 85.10 metres throw kuri, runner-up spot confirm kuri loise. Sob javelin thrower khan ke six attempt diya thake.
Germany laga Julian Weber competition dominate kuri loise aru second attempt te personal best aru world-leading 91.51 metres throw kuri gold secure kuri loise. Trinidad aru Tobago laga 2012 Olympic champion Keshorn Walcott third place te thakise 84.95 metres throw kuri. Neeraj Chopra etiya laga focus hobo World Athletics Championships te, Tokyo te suru hobo next mahina laga 13 tarik te, juntu te tai laga World Championship title defend kuribo.
Add Comment