Doha, 16 May : India laga dui-baar Olympic medal paowa aru World Champion javelin thrower Neeraj Chopra, Friday din Doha te season laga first Diamond League meet te compete koribo, juntu event te tai final jitichile, aru etiya bi jeet diye shuru koribo laga asha ase.
Neeraj, jun Olympic te India laga first gold medal track and field te Tokyo te jitichile, aru tar pisot Paris 2025 te silver medal loi aaisey, etiya yate 90 meter cross koribole try koribo, karon etu hobo tai laga first full season notun coach Jan Zelezny logot — jun tini-baar Olympic gold medallist aru world record holder ase.
Etu change tai pichla char saal biomechanics expert Dr. Klaus Bartonietz logot training korar pisot korise, juntu logot Neeraj Olympic aru World Championship dukhon te jitichile.
Neeraj etiya hope korise ki tai best performance dikhabo Doha te, karon etu competition pisot tai ekta chutu break lobo, karon NC Classic 2025 — juntu tai World Athletics aru Athletics Federation of India logot miliki organize koritakise Bengaluru te May 24 din — cancel hoi jaise.
Tai etu mahina laga first dangor competition hobo Doha te, juntu te tai top players logot face koribo — duita-baar world champion aru 2024 Olympics bronze winner Anderson Peters (Grenada), Jakub Vadlejch (Czechia), jun 2024 te etu meet jitichile, German players Julian Weber aru Max Dehning, Kenya laga Julius Yego, aru Japan laga Roderick Genki Dean.
Olympic gold medal winner Pakistan laga Arshad Nadeem etu tournament te part nabole, karon tai upcoming Asian Athletics Championships (Korea) karone prepare korise.
Asian Games silver medalist Kishore Kumar Jena bi javelin throw te compete koribo, aru National Record holder Gulveer Singh men’s 5000m te part lobo, aru Parul Chaudhary women’s 3000m steeplechase te compete koribo.
Add Comment