Paris, 13 July : India laga javelin thrower Neeraj Chopra toh individual events dey Tokyo Olympic champions laga 36 maju dey asey kun khan nijor laga titles track aro field competitions dey defend kuribo, Olympic Games Paris dey, July 26 dey shuru kurina. Kun itu athletics competitions dey participate kuriboley asey, Stade de France dey aro Paris laga raasta dey, men’s events aro mahila laga event dey 15 jun ekta individual defending champions laga sob bar milaina asey.
Tokyo laga itu champions Paris 2024 Olympic Games laga entry lists dey ghusiboley figure kurishey kuntu World Athletics para Friday dey publish kurishey aro athletes laga naam feature kurishey kun French capital dey compete kuriboley irata asey kitia August 1 para 11 tak athletics thakibo.
Kunwa 200 teams para athletes khan 48 eventa laga itu programme dey participate kuribo, kuntu dey 23 mahila laga disciplines aro 23 mota laga disciplines milaina asey aro tuita mixed events bhi – 4x400m mixed relay aro marathon race walk mixed relay, World Athletics para Friday dey ekta release dey janai dishey.
Neeraj Chopra para spearhead kurina, itu Indian contingent dey 28 participants, 17 mota aro 11 mahila milaina asey, kun para desh ke various athletics competitions dey represent kuribo.
Faith Kipyegon (1500m), Sydney McLaughlin-Levrone (400m hurdles), Karsten Warholm (400m hurdles), Mondo Duplantis (pole vault), Ryan Crouser (shot put), aro Anita Wlodarczyk (hammer) toh
world record-holders maju dey asey kun wapis ahishey, back-to-back Olympic title jeet ke target kurina.
Dutch runner Sifan Hassan ke four events dey ghusaishey. Tai nijor ke tai laga 5000m aro 10,000m titles ke defend kuribo, tai 1500m aro marathon karney bhi lineup kuribo.
Sobse jawaan athlete toh Kiribati laga Kenaz Kaniwete asey, kun 16 saal, 4 mahina aro 6 din thakibo kitia tai 100m laga first round karney lineup kuribo.
Australia laga Sinead Diver toh sobse oldest athlete asey. Tai toh 47 saal, 4 mahina aro 24 din thakibo itu marathon laga din dey.
Add Comment