Bhubaneswar, 13 May : Star Indian javelin throwers Neeraj Chopra aro Kishore Jena taijun ke Bhubaneswar dey Federation Cup finals dey direct entry dishey May 15 dey, taikhan laga career dey 75m multiple times laga minimum qualification mark bhaal kurina.
Olympic aro world champion Chopra toh jaa haafta Doha Diamond League dey ekta bhaal outing lui asey kutey tai 88.38m laga ekta throw logot second khotom huishey. Asian Games silver-winner Jena laga Diamond League debut, huilewi, disappointment dey khotom huishey kitia taike 76.31m logot three rounds piche dey eliminate kuri dishey.
DP Manu, kun 2023 World Championships dey sixth khotom huishey aro kun ahi thakia Paris Olympics karney 85.50m mark breach kurina qualify huwoley bisari asey, tai bhi finals dey directly compete kuribo.
Jaani paishey ki AFI para Chopra ke rkta domestic event dey compete kuriboley diwo mun thakishey, tai Tokyo Olympics dey ekta gold in jitia piche dey aro Paris Games agey dey.
Tai 2022 aro 2023 dey eku domestic event dey part luanai kiley kuiley tai train kuri thakishey nahuiley desh laga bahar compete kuri thakishey. Tai laga last domestic event toh March 2021 dey Federation Cup thakishey.
Jaani paishey ki Chopra toh Doha para India pahunjishey huilewi yatey khali Tuesday dey land kuribo.
Asian Games medallist Jena toh yatey Monday dey ahi asey.
Itu homoi, jaani paishey ki AFI para olob deri piche dey ekta strategic plan ulawo, 2036 Olympics dey multiple medals jitiwoley laga target logot. Itu target toh India para Games host kuriboley laga right jitia najitia dey irrespective asey.
Add Comment