Neeraj Chopra para Javelin legend Jan Zelezny keh coach appoint kuri shae

November 10, 2024: Tokyo Olympics gold medalist Neeraj Chopra para javelin legend Jan Zelezny keh taila nutun coach hobo leh appoint kuri shae, 2025 season agae deh. Former Czech athlete tho ekta World aro Olympic champion ase. Tai tho ekta world record holder b ase, 98.48m throw lokot deh. Appointment kura piche deh, Neeraj para etu kui shae,” Mui bacha taka time deh, mui Jan laka technique aro precision keh admire kuri nah ahi taki shae aro taila videos kan bishi sai taki shae.” “Tai tho bishi sal karne sports deh sobse bhal taki shae aro tai lokot deh kam kura tho bishi bahl hobo kui nah mui biswas ase. Kile koile mukan laka pila style tho eki nishi nah ase aro taila knowledge keh tho beat kuri bole napari bo.” Zelezny tho ekta 31 day training karne Neeraj lokot deh mili bole ase, South Africa deh. Neeraj tho Zelezny lokot deh train kuri bole ase, aha tui sal karne. Alak side deh Zelezny para etu kui shae,” Mukan ekjun ekjun keh jani ase, aste aste para aro mukan South Africa laka ekta traditional winter deh in person shuru kuri bo. Taila progress deh mui biswas ase, especially technical aspect deh, tai main championship deh top position achieve kuri bole pari bo karne. Neeraj laka long time coach Dr. Klaus Bartonietz para tai bura hua karne taila retirement announce kuri shae.