Neeraj, tai 1 cm karne Diamond trophy tho miss kuri shae

September 15, 2024: Saturday din, Brussels deh taka King Baudouin Stadium deh Javelin star Neeraj Chopra, tai 1 cm para komti taka karne Diamond trophy reclaim kuri bole para nai, kuto tai tui sal agae deh jiti shae. Taila  87.86 metre laka third attempt tho Anderson Peters laka pichae deh taki shae, kun para taila first try deh ekta 87.87 metre throw pilai shae. Germany laka Julian Weber, 85.97 laka best attempt lokot deh third kotom kuri shae. Neeraj, kun taila Olympic tally deh silver ekta dali shae, Paris deh, tai second pah karne USD 12,000 pai shae. Peters, kun first time karne Diamond Trophy tho claim kuri shae, tai keh USD 30,000 laka cash prize di shae aro World Athletics Championships karne ekta wild card b pai shae. 26 sal laka Indian, kun 2022 sal deh Diamond League Trophy tho jiti shae, tai overall DL standing deh fourth pai nah Brussels final deh ekta jaka book kuri shae. Tai, Doha aro Lausanne deh back-to-back second place pah tho 14 points secure kuri shae. Chopra tho etu season, taila fitness karne duk pai nah ahi ase aro taila groin injury karne ekta doctor keh mili bole expect ase. Kuto para taike pura season affect kuri shae aro 90 mark hit kuri bole laka quest agae deh ahi shae.